O'zbekiston marvaridi MARG'ILON!!!

    Vatan tushunchasi, unga bo'lgan muhabbat va intilish insonning qon-qoniga singib ketgan ekan. Vatan so'zining yahlit ma'nosi, qiyosi yo'q. Uyimiz, oilamiz, shahrimiz hammasi bir butinlikda Vatan tushinchasini tashkil etadi. Uning bag'rida unga nisbatan  muhabbatingizni his qila olmassiz, ammo undan yiroqda 3 kundan ortiq so'ginmay yashay olasizmi? Hoh u Parij, hoh u Amerika bo'lsin, qalb jonajon maskaniga, kindik qoni to'kilgan yerga talpinaveradi.

Bu gaplar sizga balandparvozdek tuyilishi ham mumkin, ammo ona shahrimdan yiroqqa, poytahtga kelganimda  tez fursatda ona shahrimni sog'inib qolganimdayoq bu sog'inch haqiqat ekanligini tushingandim. Hattoki umuman chiroq o'chmaydigan :-) Toshkent, uningning go'zal ko'chalari, istirohat bog'lari, samimiy insonlari bu sog'inchni bosa olmagan.

Ona shahrim Marg'ilon! Insonlari mehmondo'st, hunarmand va shinavanda maskan!  Marg'ilonimning qalbida iymoni jo'sh urib turivchi xalqini, hayosi yuzida barq urib turguvgi suluvlarni, bir so'zli, 40 hunarning egasi mard  yigitlarni sevmay, ardoqlamay bo'larkanmi? Abdulla Qodiriy ham o'zbek adabiyoti siymosi bo'lmish  "O'tgan kunlar" romanini yozayotganida Kumushbibini aynan Marg'ilonlik qilib tasvirlagani bejiz emasda.

Shahrimga bir-bora tashrif buyirmasdan turib, uning atlas-u adraslari haqida eshitmagan inson, bu go'zal matolardan libos kiyib, yal-yal tovlanmagan o'zbek qizi, ayoli bo'lmasa kerak. Urf-odatlar qanchalik o'zgarmasin, har bir o'zbek kelini sarposida ona shahrimning betakror matolari albatta bo'ladi.

Bu matoning bu qadar rang-barang bo'lishiga ona shahrim hunarmandlarining ochiqko'nglilligi, ko'zni olib tovlanishiga esa ularning pokiza iymonga to'la qalbi sabab bo'lgan bo'lsa ne ajab? Bundayin betakror matoning dunyoning boshqa hech bir joyidan topib bo'lmaydi. Huddi Samarqand nonini boshqa shaharda yopib bo'lmaganidek.

Bundayin samimiy insonlar orasida, tinch Vatanda go'zal Marg'ilonda dunyoga kelganim uchun Allohga shukrona aytaman!

Mohinur!

“Mahluq”ning kutubxonasi!

        Kichikligimda boshqa bolalar singari multfilmlarning ashaddiy shaydosi emasdim. Ammo, bir multfilm, o’sha multfilmdagi bir parcha qalbimda butun umrlik orzu bo’lib qolgan. Televizorda multfilmning aynan ana shu qismini ko’rish uchun ko’z uzmay o’tirardim. Qaysi multfilm deysizmi?

“Sohibjamol va mahluq” multfilmida “Mahluq” ning saroyidagi kutubxona yodingizdami? Minglab, millionlab kitoblarni ko’rib havas qilmay bo’larkanmi? Har ko’rganimda yuragim orziqib ketaveradi. Judayam katta bo’lmasa ham, mo’jazgina kutubxonam bo’lishini judayam orzu qilaman.

 Ayniqsa unda dunyoning durdona asarlari o’zbek va ingliz tilida (hozircha boshqa tilni bilmaymanda :-) nur ustiga a’lo nur bo’lardi. Kutubxonaga kirib olsam bo’lgani, kitoblar olamiga barcha narsani unutib g’arq bo’lgan bo’larmidim? Ahir ularning har biri o’zga olam, o’zga dunyo-ku!

Hozirgi kunda bu orzuni amalga oshirish qiyin emas. Chiroyli va katta kutubxonalar dunyoning har chetida qad rostlamoqda. Ular orasida hattoki men multfilmda ko’rib orzu qilgan kutibxonadan ham go’zalrog’lari borligini internetda ko’rib ko’zlarim quvonib ketdi.  Faqat oradagi masofa….

Bir narsani chin dildan orzu qilgan va intilgan inson bir kun kelib albatta niyatiga yetadi deyishadi. Men bunga ishonaman,kuni kelib dunyo kezganimda boradigan mamlakatlarimdagi birinchi manzilim ularning ziyo maskanlari, dunyoning eng katta kutubxonalari bo’ladi!

Mohinur!

Internet dengizidan bir tomchi!!!

     Assalomu alaykum. Nima haqida yozsam ekan deb uzoq o'ylandim va kimgadur foydasi tegib qolar deya, o'zim uchun eng sevimli saytlardan biri haqida ma'lumot berishga qaror qildim.
Barchamizga ma'lumki, hozirgi kunda chet tilini o'rganish davr talabiga aylandi va 4-5 tilda bemalol suxbatlashadigan insonlar bizni hayratga solmay qo'ydi. Hozirgi kunda aqlli, yurt kelajagi bo'lgan yoshlar haqida tasavvur qilganimizda avvalambor  kamida 2 ta tilda erkin suxbat qura oladigan yoshlar ko'z oldimizga keladi. Har yerda til markazlari, repitiorlar va yana ingliz tilida aytganda "Speaking club" larning ko'payayotgani quvonarli hol. Ammo tilni qanchalik ko'p o'rganmang, uni amaliyotga tadbiq eta olmasangiz, ular miyangizda qolib ketadi va oxir oqibat unit bo'ladi. Shunday ekan har javhada, har yerda uyingizdami, ish yoki o'qish joyingizdami o'rganayotgan tilingizdan nutqingizda foydalana biling. Ammo atrofimizda bu tilda suhbatlashadigan insonlar kam bo'lsa yoki umuman bo'lmasachi? Juda ko'p insonlar bu savolga darrov "Internet bor-ku!" deya javob berishlari tayin. Ha, juda to'gri! Internetdan foydalanadiganlar uchun, bu juda yahshi imkoniyat. Ayniqsa tun-u kun vaqtinni keraksiz saytlarda o'tkazadiganlar uchun. Har narsani yahshi va yomon tarafi bo'lganidek, internetdan ham maqsadlarimiz yo'lida juda yahshi foydalansak bo'ladi. Buning uchun avvalambor hohish va ozgina hafsala bo'lsa bo'lgani. Chet tilini o'rganish va suhbatlashish mimkin bo'lgan saytlar internetda millionlab topiladi. Hozir esa ana su dengizning bir tomchisi bo'lgan seviml saytim haqida ma'lumot beraman.
          Bu sayt nomi WWW.INTERPALS.NET bo'lib, bu sayt asosan til o'rganishga yo'naltirilgan. Siz dunyoning qaysi tilini o'rganayotganingizdan qat'iy nazar, o'zingizga suhbatdosh topa olasiz! Saytning boshqa ayrim ijtimoiy tarmoqlar (Odnoklassniki.ru. Facebook.com, VKontakte.ru, Mail.ru) kabilardan avzallik tomoni shundaki, bu saytda foydalanuvchilar asosan til o'rganish va bilgan tillarini o'rgatish maqsadida kirishadi. (tanishish uchun emas :-) )

       Quvonarli jihati bu sayt foydalanuvchilari juda ko'p, istagan vaqtingizda bu saytga kirganingizda kamida 10 000 foydalanuvchi siz bilan suhbatlashish uchun shay turadi. Ular sizga hech qachon xat yozganingizda "KIMSIZ?" "NIMA ISTAYSIZ" degan savollar berib o'tirmaydi, shunchaki siz bilan siz istagan tilda suxbatga kirishadilar! Agar siz ham qiziqishni boshlasangiz tezda kiring va ro'yhatdan o'ting! Ro'yhatdan o'tish ham juda oson! Faqat anketani to'ldirayotganingizda e'tibor bilan yozing, biladigan tilingiz, o'rganmoqchi bo'lgan tilingiz haqida! Shunda siz mukammal biladigan tilni o'rganmoqchi bo'lganlar, sizga murojaat etishadi.

      Shahsan men anketani to'ldirayotganimda, o'zim biladigan mukkammal til sizfatida ona tilimiz "O'zbek tili"ni  kiritgandim va hech qancha o'tmay bizni tilimizga qiziqadigan, o'rganadiganlar ham topila qoldi :-)   Avvaliga bir Avg'onistonlik qizning, keyin Turkiyalik, Azarbayjonlik yigitlarning bu tilga qiziqishlarini ko'rib quvonib kettim. Ayniqsa ularning o'zbek tilida qiynalib yozgan xatlarini ko'rib, :-) qay ahvolga tushganimni tasvirlab bera olmasam kerak. Shundagina biz ham chet tilida xato bilan yozgan xatimiz shu til ona tili bo'lgan insonlar uchun kulgili ko'rinishini anglab yetdim va chet tilidagi suxbatlarimda imloviy va grammatik xatolarga yo'l qo'ymaslikka harakat qila boshladim.

Yahshi suhbatdosh bo'lsangiz bo'lgani, ularning o'zlari sizni qidirb topishadi va sizga yahshi do'stga aylanishadi! Dunyoning har chetida ko'plab do'stlarning borligi qanday yahshi! Maqtanish emas, lekin bu saytga 1 yildan beri kirayotgan bo'lsam, hozirda mening Turkiya, Malayziya, Germaniya, Xitoy, Italiya, Arabiston, Amerika, Fransiya, Korea, Yaponiya va hattoki Afrika qit'asida yashaydigan qadrdon do'stlarim bor.  Ularning millati, yoshi, kasbini inobatga olsak, har biri o'zgacha olam, o'zgacha fikr egasi. Har biridan nimanidir o'rganish mumkin!

Bu sayt ham sizning sevimli saytlaringiz orasiga kirishiga va o'zingiz uchun qadrdon do'stlar topa olishingizga ishonaman. Til o'rganishdagi mashaqqatli yo'lingizda omad va sabr tilab qolaman! 

Aytgandaym agar saytga kirib, ro'yhatdan o'tgan bo'lsangiz meni ham suhbatdoshlaringiz qatoriga qo'shib qo'yishni unitmang! :-) 

Mohinur!     

Sog'inishni sog'inib ketdim.....

Sog'inch.... Bir qarashda faqat azob keltiradigan tuyg'u. Uni his qilib yashaganingizda go'yoki bu dunyo sizga tordek, sog'inganingizsiz olgan nafasingiz ham dushvordek tuyilaveradi. Yo'q-yo'q, tezda hayolingizni sevgi shamoli ila uchirmang, sog'inch faqat sevgida bo'lmaydiku! Sog'inib kettim.... Kimni deysizmi? Sog'inishni! Sog'inib yashashni sog'inib ketdim. Aslida bu tuyg'u jo'sh urgan qalblar egalari eng bahtli insonlardir. Chunki ularda UMID bor, chunki ularda SABR bor, chunki ularda ORZU va INTILISH bor!

Shu go'zal hislarning ba'ri kimlardur be'zor bo'lib ketgan SOG'INCHda mujassam. Kimnidir yoki nimanidir sog'inish, "U" ni barcha narsadan ustin bilib, unga talpinib yashash, duo qilayotganingizda avvalambor "U" ni so'rash, ba'zan yuraklarni o'rtab yuborganda ko'z yosh to'kib olish - axir bu BAHTKU!!!
Sog'inishdan, qiynalishdan emas, balki sog'inmay qo'yishdan qo'rqing!Sog'inchsiz qay bir tuyg'u mukammal bo'libdi? Muhabbatmi? Sevgimi? Uyingizdan bir bora yiroqda yashamay turib, uni SOG'INMAY turib, qanday qilib uni yahshi ko'raman deysiz? Doim yoningizda yurgan insonni bir ongina ko'rmay qolib, sog'inib qolmaguningizcha unga bo'lgan mehringizni qanday anglaysiz? Barcha tuyg'uning ibtidosi sog'inch desam adashmasam kerak, ammo intihosi bo'lmasin hech qachon. Har bir sog'ingan qalbga sog'intirgani bilan diydor nasib etsin. Endi sog'inganingiz uchun o'zingizni koyishni bas qiling! Siz bahtlisiz, qalbingizda go'zal tuyg'u jo'sh urmoqda. Men esa sog'inishni sog'inib ketdim.....

                                                                                                                                                                                                                                                                                                              Mohinur